DAVAO CITY – Gipakatag karon sa pipila ka mga checkpoint sa dakbayan ang mga lungon kini isip pamaagi sa kapulisan aron nga pahinumduman ang katawhan nga nagpabilin pa gihapon ang bahad sa covid-19 ug nagpadayon ang pagsaka niini dinhi sa siyudad.
Giplastar ang mga nahisgutan nga lungon sa checkpoint sa Talomo PNP ingon man sa GTH sa Toril ning siyudad.
Nakabutang atubangan sa mga lungon ang ” STAY AT HOME OR STAY INSIDE”.
Sumala pa kang Police Major Michael Uyanguren ang Station Commander sa Toril Police Station, nagpasabot kini nga mas luwas kung anaa lamang sa sulod sa panimalay kaysa sa mogawas nga posibleng makakuha ug virus nga mamahimong ikamatay.
Nahuna-hunaan kini nga pamaagi sa mga kapulisan sanglit pipila ka adlaw na nga nag-una ang Davao sa siyudad sa nasod nga adunay pinakataas nga kaso sa covid-19.
