DAVAO CITY – Sa ika-unom ka higayon, subling gikatala sa dakbayan sa dabaw ang taas nga ihap sa bag-ong coronavirus infections sa nasud sulod lamang sa usaka adlaw uban sa 214 ka mga kaso kagahapong adlawa Nobyembre 12, 2020 nga mao ang highest recorded new cases sulod sa usa lamang ka adlaw nga miabot sa kapin dos sientos.
Subay sa Department of Health (DOH) Covid-19 national bulletin nga gimantala kagahapon sa hapon, gikatala ang kinatibuk-ang 1,407 new cases, diin ang Davao City maoy nag-dominar sa listahan sa mga probensiya, highly urbanized cities, ug independent component cities nga adunay daghang new Covid-19 cases.
Gisundan ang dakbayan sa dabaw sa Eastern Samar ug Rizal nga adunay tag-75 ka kaso, Cavite – 64 cases, ug Quezon Province – 54 cases.
Ang Davao city maoy nag-inusara nga dapit sa Mindanao ug sa tibuok nasud nga adunay gikatalang three-digit new cases sulod lamang sa usaka adlaw.
Ang mga bag-ong kaso sa syudad maoy pinaka-taas sukad kini nga kini ang nag-una sa mjga dapit nga adunay newly reported cases niadtong October 23 nga adunay 99, October 26 – 90 cases, November 1 – 148 cases, November 4 – 136 cases, u gang pinaka-ulahi niadtong November 6 nga adunay 129.
