DAVAO CITY – Mamahimo sumala pa nga makakuha ang mga minor de edad ug senior citizens ug SafeDavao QR Code (DQR) apan dili sumala pa kini basta-basta nga makagawas ilabi na kung dili mahinungdanon ang lakaw.
Una ng gibutyag ni Davao City Mayor Sara Duterte-Carpio nga kinahanglan pa gihapon nga motamud ang publiko sa October 22, 2020 guidelines sa Inter-Agency Task Force (IATF) diin unod niini nga ang vulnerable sector nga gilangkuban sa mga edad nga ubos sa 15 anyos hangtud 65 anyos nga adunay immune-deficiency, comorbidity, ug uban pang balatian nga mas maayong magpabilin sa ilang panimalay.
Gitino sab sa Mayor nga pabilin pa gihapon ang siyudad ilalom sa modified general community quarantine (MGCQ) ug ang mga non-essential travels ug panagtapok ang hugtanon nga gidili.
