DAVAO CITY – Mihimo na karon ug lakang ang Barangay Sasa ning dakbayan aron nga mapadali ang contact tracing human ang ulahing insidente diin usa sa ilang mga residente ang nagpositibo sa covid-19 ug nakig-inom pa kini sa ilang silingan.
Una ng gibutyag ni Sasa Brgy. Capt. Jerry Lecarte nga nagpatuman na sila ug household lockdown kini aron nga mapugngan ang pagkatag sa virus human nga ang asawa sa nagpositibo ang natakdan na sab sa kagaw ang usa sa mga naka-inom niini samtang gihulat pa sab ang resulta sa uban.
Gikanayon sab ni Lecarte nga mas maayo sumala pa kung adunay ideploy nga contact tracer sa ilang lugar aron nga mapadali ang pagpangita sa mga nakahimamat sa pasyente sanglit lapad ang lugar nga sakop sa ilang Barangay nga gilangkuban sa 76 ka mga Purok.
