DAVAO CITY – Mismong si Vanessa Natividad Sutherland, lumad nga taga Decahomes Mintal ug kasamtangang nakabase karon sa West Virginia, USA ang nakasaksi sa nahimong dagan karon sa eleksiyon sa Amerika diin gihulagway niya nga gubot ang panag-atbang tali nila ni US President Donald Trump ug kanhi US Vice Pres. Joe Biden.
Gikanayong natunga karon ang mga tawo sa amerika kung si kinsa ang ilang iboto sa nagsingabot nga US election sa Nobyembre sanglit aduna silay kaugalingon nga panlantaw ug opinyon sa mga nahimo sa amerika sa nahisgutan nga mga kandidato.
Gikanayon sab ni Vanessa nga natural lamang nga adunay kagubot ang eleksiyon dili lamang sa Amerika kung dili lakip na sa uban nga lugar sa tibuok kalibutan.
Mas maayo sumala pa nga mohimo ug research kalabot sa mga kandidato kini aron makasiguro kinsa kadtong ipahimutang sa puwesto.
