DAVAO CITY – Subling gitambagan ni Davao City Mayor Inday Sara Duterte-Carpio ang publiko ingon man ang pribadong sektor nga likayan una ang pagpahigayon ug mga parties o mga panagtapok atol sa panahon sa kapaskohan samtang padayon nga nakigbisog karon ang dakbayan sa Covid-19 pandemic.
Tubag kini sa Mayor dihang gipangutana kung mamahimo ba nga magpahigayon ug mga party ang mga kompanya. Gitataw sa Mayor nga adunay dakong tsansa nga maggikan ang virus ug uban pang gatherings sanglit ang minimum health protocols ag wala gi-obserba ilabi panahon nga mokaon, panaghinabi, pagkanta ingon man kawad-on ug ventilation.
Gitataw sab sa mayor nga ang probisyon sa Executive Order (EO) 25 ang una ng gipagula kaniadtong Abril ning kasamtangan nga tuig nag nag-deklara sa April 17 hangtud Disyembre 31, 2020, nga period of mourning ug vigilance sanglit nag-atubang karon ang tibuok kalibutan ug suliran sa Covid-19.
Angayan sumala pa nga adunay “empathize” tali sa healthcare workers ning siyudad nga naningkamut aron lamang makurba ang pagkatag sa virus.
Una ng gibutyag kaniadto ni Mayor Inday nga dili siya babag sa pagpahigayon ug selebrasyon ilabi na kung adunay birthday apan kinahanglan nga mag-obserba sa minimum health protocols nga gilangkuban sa pagsuot ug mask., pagtamod sa two-meter physical distancing, ug manghugas gamit ang sabon ug tubig o magbutang ug alcohol samtang anaa sa public areas.
