DAVAO CITY – Gibutyag ni Generose Tecson, head sa City Tourism Operation Office (CTOO) nga sugod kagahapong adlawa, mandato na ang pagkuha ug Quick Response (QR) code sa mga pasahero nga mosulod dinhi sa dakbayan sa Davao.
Sumala pa kang Tecson kinahanglan nga bisitahon una sa mga air passenger flights ang website sa City Government of Davao ug mag-fill up sa pipila ka mga impormasyon.
Angayan sumala pa nga matinud-anan ang mga pasahero sa paghatag ug impormasyon nga dali lamang nga ma-trace ang mga nahisgutan sa higayon nga aduna kini nakahimamat nga mga nagpositibo sa covid-19.
Kahinumduman nga gikatakda na sab nga ipatuman dinhi sa siyudad ang QR code system sa bulan sa Nobyembre aron nga daling masubay ang mga tawo ilabi na karon nga padayon ang pagsaka sa covid-19.
Pinaagi sa QR code mas dali na lamang sab ang pag-cater sa mga pasahero nga mosulod dinhi sa dakbayan sa Davao.
