DAVAO CITY – Gipahimangnoan gilayon ang mga residente nga nanimuyo daplin sa kasapaan nga ipatuman ang mga precautionary measures human nga nakasinate ang dakbayan sa Davao ug kusog nga pagbundak sa kagabie hangtud na kaganinang kaadlawon.
Dungan sa panahon sa rainy season, mipahimangno ang City Disaster Risk Reduction and Management Office (CDRRMO) ngadto sa mga residente low lying areas nga kanunay mag-igmat.
Hinuon gibutyag ni CDDRMO head Alfredo Baloran nga walay mga residente nga mibakwit apan nakasinate ang kadalanan sa siyudad ug pagtaas sa tubig baha.
Gipasalig sa opisyal nga alerto kanunay ang ilang mga sakop partikular na ang rescue team alang sa pagresponde.
Gipahimangnoan na lamang niini ang mga residente nga anaa sa delikado nga lugar nga kanunay mag-igmat aron nga dili mabutang sa risgo ang kinabuhi.
