DAVAO CITY – Gisubay pa karon sa Local Government Unit (LGU) sa Davao del Sur kung pila ang kinatibuk-ang damyos sa nahitabong pagbaha sa lalawigan nga nakaapekto ug liboan ka mga pamilya.
Kahinumduman nga tungod sa pagbundak sa kusog nga ulan sa milabay nga gabie, daghanan ang mihikling ilabi na kadtong mga residente nga nanimuyo sa mga low lying areas o daplin sa kasapaan.
Pipila sa mga residente nga apektado ang naggikan sa Brgy. Aplaya; Brgy. Cogon; Brgy. Dawis; Brgy. Kiagot; Brgy. Igpit; Brgy. Ruparan; Brgy. Sinawilan ug Brgy. Zone 1.
Gikanayon ni Angie Lina Payosalan, information officer sa Office of the Civil Defense (OCD) 11, nga tungod kadaghanan sa mga residente ang anaa sa evacuation center, kinahanglan sab nga siguruhon ang panglawas sa mga bakwit aron nga malikayan sab ang posibeng pagkatag sa Covid-19.
Gumikan kay hinay-hinay na nga mihubas ang baha, posibleng pabalikon na sab ang pipila ka mga residente sa ilang mga pinuy-anan.
Hinuon padayon sumala pa nga gitunolan sa lokal nga kagamhanan sa Digos ug hinabang ang mga apektadong residente.
