DAVAO CITY – Human ang panawagan nga palambuon pa ang internet signal isip preperasyon sa Department of Education (DepEd) online distance learning, gitambagan karon sa National Telecommunications Commission-Davao Region (NTC-Davao) ang tanan nga mga telecommunication companies nga tarungon ang ilang serbisyo ilabi na sa mga hilit nga lugar.
Sumala pa kang NTC-Davao Director Nelson nga nakiglambigit na sila sa mga nagkadaiyang telcos sa rehiyon aron nga masolusyonan ang pagsaka sa demand alang sa paspas nga signal.
Tipik lamang kini sa ulahing insidente diin miadto sa bukid ang mga magtutudlo sa New Leyte Elementary School ug New Leyte National High School sa Maco aron lamang magbaton ug signal ug makasalmot sa web seminar sa DepEd.
Nakkauha kini ug atensiyon Davao de Oro Governor Jayvee Tyron Uy diin gidayeg niini ang mga magtutudlo sa ilang determinasyon nga mosalmot sa webinar ug mamakat-on sa bag-ong knowledge nga ilang sagupon sa “New Normal”.
Nakighiusa ang opisyal sa panawagan sa NTC-Davao nga mohangyo sa telcos nga palambuon pa ang ilang signal sa probinsiya lakip na sa mga lagyong lugar sa rehiyon isip bag-ong modalities sa pagtuon lakip na ang online learning nga ipatuman sba sa probinsiya.
Samtang gi-angkon sab ni Cañete nga nangutana na matud pa kanila ang gobernador kalabot sa pagpalambo sa ilang probinsiya sukad 2017.
Bisan tuod nga makita sulod karong tuiga ang kalambuan niini, apan laoman sumala pa ang taas nga demand sa internet connectivity karng tuiga tungod sa gipatuman nga community quarantine sa tibuok rehiyon.
Gi-angkon sab niini nga ang kalit nga pagpatuman sa online education, mamahimong dakong hagit alang sa pag-stabilize ug pagpalapad pa sa telecommunication signals ilabi na sa mga hilit nga areas.
