DAVAO CITY – Gihan-ay na karon sa Davao City Police Office (DCPO) ug Bureau of Jail Management and Penology (BJMP) ang pagdawat ug peneriso aron masiguro ang kaluwasan sa mga nahisgutan ilabi na nga pabilin nga kaylap ang kaso sa virus dinhi sa dakbayan.
Nasayran nga adunay kapin 500 ka mga peneriso ang 12 ka mga estasyon sa kapulisan sa siyudad. Sumala pa kang Pol Capt. Rose Aguilar, tigpamaba sa DCPO, aron nga dili maghuot ang paneriso sa matag estasyon sa kapulisan, mamahimo na nga ibalhin kini sa BJMP ug didto na ipailalom sa quarantine human sa ipahigayon nga Rapid Diagnostic Test (RDT) ilabi na kung aduna kini mamatikdan nga sintomas sa Covid-19.
Samtang gikanayon sab niini nga anaa sa kapin 400 ka mga violators sa quarantine ang nasikop sa otoridad sukad nga gipatuman kini kaniadtong bulan sa Marso.
Nag-una pa gihapon niini ang mga violators sa paggamit ug FM pass nga nanggawas ug wala nagsubay sa odd ug even numbers niini.
