DAVAO CITY – Gitino ni Department of Health-Davao assistant regional director Dr. Lenny Joy Rivera nga ang resulta sa rapid antibody test kits dili sumala pa mamahimong gamiton isip standalone tool alang sacoronavirus disease (Covid-19) diagnosis.
Kinahanglan sumala pa gihapon kini nga kumpirmahon sa Reverse Transcription-Polymerase Chain Reaction (RT-PCR).
Una ng nagpahimangno ang DOH-Davao sa local government units nga dili magsalig sa resulta sa rapid antibody testing kits. Dinhi sa dakbayan sa Davao, ang RT-PCR Test gigamit lamang sa Southern Philippines Medical Center (SPMC).
Gitataw ni Rivera nga ang test results sa rapid antibody tests kinahanglan nga subayon sa mga eksperto gumikan kay nagpabilin sumala pa kini nga technical tool sa pag-test sa presensiya sa virus.
Gitumbok sab niini nga bugtong mga rapid antibody testing kits lamang ang gi-aprubahan sa Food and Drug Administration (FDA) ang gamiton bisan pa man nga kinalanglan pa kini nga ipaagi sa RT-PCR.
Sa milabay nga Marso ning kasamtangan nga tuig, gi-aprubahan sa FDA ang lima ka mga rapid test kits alang sa Covid-19 kalakip na ang Sars-Cov2 kit sa Gene Xpert, usa ka PCR based test kit.
