DAVAO CITY – Gipasalig sa Davao City Police Office (DCPO) nga andam sila sa bisan unsa man nga sitwasyon sa higayon nga lugwayan ang community quarantine.
Sumala sa personahe sa Civil Disturbance Management (CDM), naka-stand na sila samtang ang mga tourist police personnel ang gipakatag aron motutok sa social distancing ug malikayan ang panic buying.
Sumala pa kang Col. Kirby John Kraft, city police director, nga wala silay natala nga adunay nag-away o panic buying sa mga barangay apan naka-stand-by pa gihapon ang tourist police teams.
Hugtanon nga ipatuman sa DCPO ang mga sumbanan nga kalakip sa community quarantine sama sa social distancing, pagdili sa mass gatherings, liquor ban, curfew, ug uban pa base sa sunod-sunod nga executive orders batok COVID-19.
Magpadayon sab sumala pa ang police functions sama sa high visibility, anti-illegal drug operations, ug uban pang klase sa anti-criminality operations kini aron nga mamentina ang peace and order.
Samtang una na sab nga gibutyag ni Police Maj. Jason Baria, commander sa Toril Police Station, nga nagpahimutang sila karon og tulo ka mga roadblocks ug chokepoints, partikular na sa wet market.
