DAVAO CITY – Gi-awhag sa health authorities ang mga magti-ayon nga i-practise ang responsible parenthood ingon man family planning ilabi na karon nga gipailalom ang siyudad sa community quarantine.
Gikanayong adunay pipila ka mga pamilya sa kasamtangan ang wala naplano ang pagbuntis dungan sa pagpatuman sa community quarantine sanglit kulang sumala pa ang supply sa mga contraceptive pills sa pharmacies.
Sumala sa Population Commission (Popcom) gumikan kay mahatagan ang pamilya ug taas nga panahon tungod sa community quarantine, laoman sab sumala pa ang mga unplanned pregnancies.
Buot sumala pa sa Popcom nga malikayan ang dugang trabaho sa mga health workers ilabi na karon nga okupado ang mga nahisgutan sa padayon nga pagsaka sa kaso sa mga nataptan sa virus.
Naningkamut sumala pa karon ang komisyon nga mapalig-on pa ang awareness campaign pinaagi sa social media aron nga mapasabot sa mga magti-ayon ang kamahinungdanon sa pagplano sa pamilya.
Sa pikas nga bahin, gikanayon sa Davao City Health Office (CHO) nga nagpabilin pa gihapon karon ang mga health services sa matag barangay nga idalit ngadto sa mga magti-ayon.
