DAVAO CITY – Nagpatuman sab karon og istrikto nga mga sumbanan ang mga sementeryo ning dakbayan panahon nga adunay lubong diin kinahanglan nga ipatuman ang Social distancing.
Ang nahisgutan nga lakang tipik lamang gihapon aron nga masiguro nga malikayan ang pagkuyanap sa Corona Virus Disease (Covid-19).
Sumala pa kang Roy Fernandez, OIC sa City economic enterprises, limitado o immediate family lamang ang pasudlon sa mga pampublikong sementeryo kini isip tubag sa gipatuman nga sumbanan sa lokal nga panggamhanan kalabot sa social distancing ug aron malikayan ang pagtapok sa mga tawo.
Panahon nga adunay lubong, gidili sab nila ang pag-uban sa mga senior citizen, bata ingon man kadtong mga buntis nga maoy hinungdan nga madugay lamang ang seremonya sa paglubong sa minatay.
Hugtanon sab sumala pa nila nga ipatuman ang “No facemask, No entry Policy”.
