DAVAO CITY – Gipatuman na karon sa Southern Philippines Medical Center (SPMC) ang usa ka oras lamang nga visiting time sa ilang mga pasyente aron makunhuran ang risgo sa transmission sa coronavirus disease (Covid-19).
Gipahugtan sumala pa karon sa SPMC ang ilang mga polisiya aron nga malikayan ang pagkatag sa virus dungan sa gipatuman nga Code Red Alert Sublevel 2 batok Covid-19 ug subay na sab sa deklarasyon sa state of calamity.
Gikanayong ang visiting hour sa hospital magsugod sa alas dies sa gabii hangtud na sa alas onse sa buntag. Tungod niini, gi-awhag ni SPMC Chief of Clinics and Health Emergency Management Bureau (HEM) coordinator Dr. Ricardo Audan ang mga bisita nga motamud sa mga polisiya sa pasilidad.
Gawas niini, gipatuman sab nila karon ang one watcher policy aron nga malimitahan ang ihap sa mga tawo nga mosulod ilabi na nga nasayran sa mga health authorities nga ang infectious disease sagad nga makaapekto sa mga tigulang ingon man sa mga pasyente nga mipailalom sa pagpatambal.
Una ng gibutyag sa Department of Health nga virus usa ka airborne hinungdan nga delikado kini sa mga hospitals.
