DAVAO CITY – Nagmugna karon ang Regional Peace and Order Council and Regional Development Council ug Davao Region Covid-19 Task Force aron maoy magpatuman ug regionwide unified effort latas sa tibuok Local Government Unit (LGUs) aron nga mapugngan ang Covid-19 infection.
Si Mayor Sara Duterte ang gituboy isip Chairperson sa mga miyembro sa RPOC.
Ipatuman sa Davao Region Covid19 Task Force ang pagsuspende sa Land, Sea ug Domestic ingon man International Air paingon dinhi sa siyudad sulod sa 14 ka adlaw apan mamahimong mapaubsan kini sa pito ka adlaw depende sa review sa Infectious Disease Specialist Consultant.
Pasirad-an ang tanan dalan nga pasulod sa Region 11 sugod sa adlaw’ng Huwebes, Marso 19, 2020. Mamahimo sumala pa nga makagawas ang si bisan kinsa sa Region 11 apan dili na kini makabalik pasulod sugod sa adlaw nga Huwebes, Marso 19 ug sa mosunod nga 14 ka adlaw.
