DAVAO CITY – Boluntaryo nga mipailalom si Mindanao Development Authority (MinDA) Secretary Emmanuel Piñol sa self-quarantine human kini misalmot kauban ang iyang duruha ka mga staff sa World Islamic Economic Forum sa Kota Kinabalu, Malaysia kaniadtong Marso 12 ug 13.
Gikumpirma mismo sa opisyal nga mipailalom siya sa medical check-up ug nagpabilin sa iyang farm sulod sa usa ka semana.
Nagpagula na sab siya ug kamandoan nga magsuspende ug trabaho sa MinDA offices karong adlawa.
Nagpahimangno na sab siya mnga momugna ug 10-man skeletal force nga pangunahan sa senior officers aron modula sa buhatan.
Kalakip sab sa iyang pahimangno mao ang pagpabilin sa mga empleyado sa MinDA sa ilang mga panimalay apan magpadayon lamang sa ilang pakiglambigit sa mga kliyente pinaagi sa digital communications.