DAVAO CITY – Kabsan gilayon sa iyang kinabuhi ang usa ka top 3 most wanted person nga nalambigit sa iligal nga druga atol sa gilusad nga drug buy bust operation sa Sta. Ana Police Station.
Naila ang suspek nga si Carlo Borja Balane, 24 anyos, ulitawo ug residente sa Brgy.21 c Piapi Blvd ning dakabayan sa davao.
Sa report gikan sa Sta.Ana PNP, samtang nagpahigayon ug buybust operation ang mga operatiba sulod sa usa ka motel nga nahimutang sa Sitio bakal, Brgy.Leon Garcia Agdao ning dakbayan, pasado alas tres sa hapon, natigayon matud pa ang komprontasyon human nga mibunlot sa iyang armas ang nahisgutan ug mipusil sa nagpailang pulis.
Apan wala kini makaigo ug nabalusan ang nahisgutan nga miresulta sa iyang pagkahagba.
Dali pa nga gidala sa Southenr Philippines Medical Center (SPMC) ang suspek apan gideklara kini sa doctor nga Dead On Arrival sa ospital.
Sa crime scene narekober ang .38 revolver nga dunay 5 ka mga buhing bala lakip na ang basiyo sa .38 ug 9mm pistol lakip sab sa narekober ang 9 ka mga pakete sa shabu nga gibanabanaan nga nagkantidad ug P5,500.
Una ng nasayran nga ang suspek mao ang top 3 sa drug watchlist sa Sta.Ana Police Station.
