DAVAO CITY – Kinatibuk-ang 16 ka mga indibidwal nga kanhi naka-avail sa plea bargaining agreement ang subling nasikop sa otoridad gumikan kay mibalik sa ilang bisyo sa illegal nga druga.
Sumala pa kang Davao City Police Office (DCPO) Director Kirby John Kraft, nga sa 18 nga mibalik sa ilang bisyo, 16 niini ang subling nasikop atol sa police operations samtang ang napatay human nga misukol dihang gihimo ang pagsikop.
Gikanayon ang mga indibidiwal nga nasikop tungod sa illegal drug activities ang gihatagan ug tsansa nga maka-avail sa plea bargaining agreement depende sa ruling sa korte.
Hinuon gibutyag ni Kraft nga ang korte mokunsulta sab kanila sa higayon nga adunay moduso ug plea bargaining.
Magpadala sila ug rekomendasyon kung aprubado nga makagawas ang tawo nga mihangyo niini.
Sakop lamang sumala pa sa nahisgutan nga programa kadtong mga nadakpan nga naghupot ug gagmay nga “shabu”, marijuana, ug uban pang illegal drugs.
Mamahimo sab nga mapaubsan ang ilang sentensiya ingon man ang ilang multa.
