DAVAO CITY – Gipasalig ni Davao City Mayor Inday Sara Duterte-Carpio nga magpadayon ang pagpaningkamut sa dakbayan aron lamang batukan ang bisan unsa man nga klase sa terorismo.
Kini ang usa sa mga nahimong pahayag sa Mayor dungan sa ika-17 ka tuig nga Sasa bombing kagahapong adlaw sa Davao old airport ning siyudad.
Kahinumduman nga nanguna ang Mayor sa gipahigayon nga aktibidad pinaagi sa usa ka santos nga misa nga gitambongan sab sa mga nahimong biktima ingon man kabanay sa mga namatay sa insidente.
Kahinumduman nga anaa sa 22 ka tao ang namatay ug 155 ang naangol dihang gitanom ang Improvised Explosive Device (IED) kaniadtong Marso 4, 2003.
Sumala pa sa Mayor nga magpadayon ang suporta sa lokal nga panggamhanan ngadto sa mga nabiktima ingon man sa mga nabilin nga kabanay sa mga namatay sa insidente.
