DAVAO CITY – Gi-deploy na sab karon ang 27 ka mga sakop sa Philippine National Police (PNP) nga sakop sa “Revitalized pulis sa Barangay” sa nagkadaiyang lugar sa Davao Oriental aron moabag sa pagpatuman sa kahusay ug kalinaw ilabi na kadtong mga dapit nga kanhi gikutahan sa mga rebeldeng New People’s Army (PNP).
Ang nahisgutan nga mga dapit una ng gideklara isip insurgency free sa mga kasundalohan ug aron nga magpadayon ang kalinaw, adunay pipila ka mga pulis nga ipakatag sa mga nagkadaiyang Barangay sa Davao region nga magsilbing kaabag usab sa kasundalohan.
Sumala pa kang P/Col. Joselito Loriza, provincial director sa Davao Oriental, nga sa nahisgutan nga ihap sa mga pulis, unom niini ang naghupot sa ranggo nga Police Lt. Col diin ipahimutang ang mga nahisgutan sa mga hilit nga barangay sa Davao region partikular na sa Mati ug Lupon.
Kalakip sab sa tahas sa mga nahisgutan ang pagpalig-on sa mga programa sa kagamhanan partikular na sa pagpatuman sa kahusay ug kalinaw.
