DAVAO CITY – Gikumpirma ni Dr. Cerelyn Pinili, head sa City Veterinary Office (CVO) nga kumpiradong usa na sab ka barangay sa Calinan ang apektado karon sa African Swine Fever (ASF).
Gikanayong nagpositibo sa maong disease ang blood sample sa baboy nga gikan sa Barangay Inayangan sa nahisgutan nga lugar diin mitakboy sumala pa ang ASF tungod sa baboy nga gikan usab sa Barangay Lamanan nga gisulod sa maong dapit.
Hinuon gibutyag ni Pinili nga gilayon sila nga nagpahimutang ug footbath sa lugar aron masiguro nga dili na kini motabok sa lain nga barangay.
Nagpahigayon na sab sumala pa karon ug pagpanubay ang CVO sa uban pang Barangay nga sakop sa Calinan aron nga makahimo gilayon sila ug lakang.
Gikanayong apektado ang Barangay Inayangan sanglit utlanan lamang kini sa Barangay Lamanan.
Samtang gibutyag sab sa opisyal nga bisan natapos na ang depopulation sa duruha ka barangay sa Calinan nga apektado sa ASF, ipailalom pa gihapon kini sa 30 ka adlaw nga disinfection period gawas pa sa 3 ka bulan nga monitoring ayha tugtan kung mamahimo na nga makabuhi pag-usab ug baboy ang mga residente sa lugar.
