DAVAO CITY – Gipasalig sa lokal nga panggamhanan nga dili nila pasagdan ang mga hog raisers ning dakbayan sa Davao nga apektado karon sa pag-igo sa African Swine Fever (ASF).
Tipik lamang kini human nga gikumpirma mismo sa City Veterinarian’s Office (CVO) ingon man Department of Agriculture (DA) 11 nga nakasulod na ang maong virus nga sagad makaapekto sa mga binuhing baboy.
Sa kasamtangan, gipasalig sa DA nga hatagan og hinabang ang mga nanag-iya og binuhing baboy ilabi na kadtong nahimutang sa Barangay Dominga ug Lamanan sa Calinan ning siyudad.
Sumala pa kang Ricardo Oñate Jr., Regional Director sa Department of Agriculture XI, nga kantidad sa P5,000 ang ilang itunol nga hinabang ngadto sa mga maapektohan nga hog raisers.
Kahinumduman nga gikumpirma mismo ni Oñate nga positibong nataptan sa ASF ang duruha ka lugar sa Calinan ning siyudad.
Pahayag ni Ricardo Oñate Jr., Regional Director sa Department of Agriculture XI.
