DAVAO CITY – Gipasalig sa Davao City Overland Transport Terminal (DCOTT) pinaagi sa ilang manager nga si Aisa Usop nga mihimo na sab sila og mga lakang aron lamang makalikay sa pag-igo sa Novel Corona Virus.
Una ng nasayran kang Aisa Usop, manager sa DCOTT nga pipila sa mga lakang nga ilang gihimo sa kasamtangan mao ang pagpasuot og mask sa mga driver sa bus ingon man sa mga personahe sa Task Force Davao (TFD) nga anaa sa entrada nga bahin sa terminal nga maoy sagad mag-atubang sa mga pasahero ug nagahiling sa mga dalang bagahe niini.
Laraw sumala pa sa maong lakang nga maprotektahan ang mga pasahero ingon man ang mga personahe sulod sa terminal sa makamatay nga balatian.
Nangandam sumala pa sila sanglit sagad sab sa mga pasahero ang gikan sa airport ilabi na kadtong gikan sa langyaw’ng dapit ug mouli sa ilang tagsa-tagsa ka mga lalawigan.
Pahayag ni Davao City Overland Transport Terminal (DCOTT) manager Aisa Usop.
