DAVAO CITY – Gipasalig ni Davao City Vice Mayor Sebastian “Baste” Duterte ngadto sa mga residente sa nahitabong sunog sa bankerohan nga hatagan kini og hinabang sa lokal nga panggamhanan.
Kahinumduman nga misaad mismo ang Bise Mayor atol sa iyang pagbisita sa lugar partikular na sa mga pamilya nga nagpabilin karon sa gymnasium sa Purok 2, Bryco, Barangay 5-A.
Padayon sumala pa nga motabang ang lokal nga panggamhanan sa mga apektadong residente aron nga makarekober kini human ang insidente.
Una ng nasayran nga anaa sa 350 ka mga pamilya ug 28 ka nga indibidwal ang apektado sa sunog.
Hinuon nakatunol na og inisyal nga hinabang ang City Social Services and Development Office (CSSDO) sa mga residente og kantidad sa P2,329,000.
Gikanayong sukad kaniadtong Enero 15, wala sumala pay undang ang lokal nga panggamhanan sa paghatag og pagkaon ug non-food assistance sa mga bakwit nga pamilya.
Gitataw sab ni Vice Mayor Baste nga motabang ang lokal nga panggamhanan sa mga residente aron nga subling matukod ang ilang panimalay apan kinahanglan sumala pa nila ang kooperasyon sa mga pamilya.
