DAVAO CITY – Aduna nay kaugalingon nga halal slaughter house ang dakbayan sa Davao.
Kini ang gibutyag sa usa ka opisyal sa City Economic Enterprise (CEE).
Sumala pa kang CEE slaughterhouse officer-in-charge Joseph Gabut nga ang P76-million halal slaughterhouse mag-operate sa modernized meat industry state-of-the-art abattoir sa Barangay Malagos, Baguio District.
Gikanayon ni Gabut nga kini sumala pa ang labing una nga slaughterhouse sa Pilipinas nga adunay kompleto nga pasilidad.
Makatabang sumala pa sa Muslim community ang pagbaton sa siyudad og lain nga slaughterhouse sa halal products sama sa kanding, baka ug kabaw.
Aduna sumala pa kini kaugalingon nga halal-certified inspector diin kini ang mosiguro nga ang process sa meat-cutting ang makapasar sa standard ug protocols sa Islamic dietary laws.
Gibutyag sab ni Gabut nga adunay mga moderno nga ekipo ang nahisgutan nga slaughter house sama sa cutting machines, blast freezers, meat processors ug packaging facilities.
Kinatibuk-ang 25 CEE personnel ang ipakatag sa duruha ka managlahi nga slaughterhouses aron maoy manguna sa operasyon.
