DAVAO CITY – Subling nanawagan ang Securities and Exchange Commission (SEC) ngadto sa publiko nga kanunay nga magbinantayon ug likayan na ang pagsulod sa mga investment scam nga una ng naka-biktima ug daghanan nga mga tawo.
Sumala pa kang Atty. Katrina Estares, OIC-director sa SEC-Davao, hangtud karon aduna pa gihapoy mga biktima sa investment scam nga moadto sa ilang buhatan aron nga moduso ug reklamo.
Gani pipila sumala pa niini ang mga biktima sa mga bag-ong nga investment scam ug wala sa mga una ng gipasira sa otoridad gumikan pa gihapon sa pagpangilad.
Samtang gitataw sab ni Atty. Estares nga madayon na ang kaso nga giduso sa Department of Justice (DOJ) batok KAPA founder Joel Apolinario ug sa mga kakunsabo niini sa pagpangilad.
Nasayran sa nahisgutan nga posibleng mapahamtangan ug multa nga P5 milyones ka pesos ug pagkabilanggo nga pito hangtud 21 ka tuig.
