DAVAO CITY – Mihatag og pahayag si kanhi Davao del Norte Cong. Antonio “Tonyboy” Floirendo Jr. sa nahimong pahayag ni IGACOS Mayor Al David Uy nga usa ang pamilyang Floirendo sa supak nga matukod ang Davao-Samal Bridge.
Gikanayong gitudlo ni IGACOS Mayor Al David Uy ang pangalan sa Floirendo sa mga gitawag nga oligarchs nga mibabag sa maong proyekto butang nga gipanghimakak sa nahisgutan nga pamilya.
Sumala kang Tony Boy, nga wala sumala pay business interests ang ilang pamilya nga makaapekto kung itukod ang multi-billion bridge nga dugay ng gipangandoy sa mga Dabawenyos.
Gitataw sab sa nahisgutan nga ang pamilya ni Uy ang anaa sumala pa sa ferry business nga nagapasakay ug mga pasahero padulong Samal ug Davao hinungdan nga gipangutana niini ang opisyal kung si kinsa kanila ang una nga maapektohan sa higayon nga itukod na ang tulay.
Ayha sumala pa siya akusahan, mas maayo sumala nga motan-aw una sa salamin ang opisyal.
Gibarugan ni Tony Boy nga walay problema kanila ang pagtukod sa Davao-Samal bridge nga mohatud sumala pa og kaayuhan sa IGACOS ug sa ekonomiya sa isla dili lamang sa ferry business.
Kahinumduman nga una ng gibutyag ni Mayor Sara Duterte-Carpio nga adunay usa ka pamilya sa IGACOS ang mibabag sa right of way sa nahisgutan nga proyekto sa DPWH hinungdan nga posibleng malangan ang pagpatuman niini.
