DAVAO CITY – Patay ang duha ka mga lalaki nga dayo gikan sa Marawi city atol sa gilusad nga buybust operation human nga misukol sa mga operatiba sa Sta. Ana PNP alas tres kaganinang kaadlawon sa Isla Verde, Brgy. 23-C.
Gikanayong samtang gipahigayon ang transaksiyon, namatikdan sa mga suspek nga nailang sila si Minsuari Abubkar Cairoding alyas “Mako” ug alyas Jalil susama nga residente sa Brgy. Sugod, Marawi, Lanao del Sur, nga otoridad ang nagpaka-aron ingnon nga buyer hinungdan nga paspas sila nga mibunlot og armas.
Nakigpinusilay ang mga suspek apan wala misalir ang mga nahisgutan sa kapulisan hinungdan nga napatay.
Dihang gihiling ang ilang lawas, narekober sa ilang posisyon ang mga pakete sa ginadili nga druga ingon man ang buy bust money lakip na ang 9mm pistol ug P237,000.
Gikanayong dugay na nga gipanid-an ang mga
nahisgutan ayha gipahigayon ang operasyon.
