DAVAO CITY – Wala pa nakadawat og direktiba ang Davao Police Regional Office gikan sa higher headquarters kalabot sa pagtaptap sa buka sa mga armas panahon sa kapaskohan ug bag-ong tuig.
Hinuon gibutyag ni Brig. Gen. Filmore Escobal, PRO XI director, nga gipahimangnoan na niya ang mga police officers nga dili magpaboto sa ilang mga armas dungan sa kapaskohan.
Dili sama sa uban nga rehiyon sa nasod, naandan na sa PRO XI ang “no muzzle of firearms” policy nga una ng gisugdan atol sa panahon ni kanhi police regional director ug karon senator, Ronald “Bato” Dela Rosa.
Gitataw ni Escobal nga dili siya magduha-duha nga ipaslak sa presohan ang mga police officer nga malambigit sa indiscriminate firing.
Gani kaniadtong nangatungdanan sumala pa siya isip station commander sa Davao City Police Office, gipa-preso niya ang mga malapason aron nga magsilbi nga ehemplo sa uban.
Samtang sa mga sibilyan nga malambigit sa indiscriminate firing, tugbang sumala pa kini sa kasong alarm and scandal.
