DAVAO CITY – Gibutyag sa usa ka konsehal nga ang pagmugna og Davao City-based institutionalized registration system alang sa Indigenous Peoples (IPs) ug Muslims dinhi sa siyudad ang nasobrahan na matud pa.
Sumala pa ni Konsehal Alberto Ungab, nanguna sa committee on appointments and government reorganization, nga ang sugyot nga ordinansa ni Konsehal Pilar Braga nga gi-aprubahan sa ikaduhang pagbasa ang duplicate na matud pa sa kasamtangang balaudnon sa national government agencies.
Usa sa gitumbok ni Ungab mao ang sistema nga ginapatuman na sa National Commission on Indigenous Peoples (NCIP), usa ka ahensiya nga nagapatuman og mga polisiya, plano ug programa aron nga i-promotar ug protektahan ang katungod sa mga lumad.
Plano sa konsehal nga irekomenda ang pagpasara sa maong item inay mopanday ug lain nga ordinansa o resolusyon nga momugna ug Office of Cultural Communities sa siyudad.
Ang nahisgutan sumala pa nga buhatan maoy mo-cater sa panginahanglanon sa mga lumad ug mo-alokar ug locally-based programs aron mosuporta niini.
Hinuon plano sumala pa nila nga moduso og lain pa nga committee hearing aron determinahon ang viability sa nahisgutan nga sugyot sa iyang komitiba.
