DAVAO CITY – Supak ang grupo sa mga kababayenh-an sa planong pag-amyenda sa Anti-Violence Against Women and Children Act diin plano ilakip niini ang proteksiyon batok sa mga bana ug miyembro sa lesbian, gay, bisexual, and transgender (LGBT) community batok sa pag-abuso sa usa ka relasyon.
Kahinumduman nga una ng giduso ni Rizal representative Fidel Nograles ang House Bill 04888 o Anti-Violence Against Partners and their Children Act (Anti-VAPC) nga mag-amyenda sa Republic Act No. 9262 o Anti-Violence Against Women and Their Children Act (Anti-VAWC) of 2004 aron nga ilakip na ang mga male partners sa mga indibidwal nga kinahanglan protektahan sa balaud.
Apan gikanayon ni Gabriela Women’s Party representative Arlene Brosas nga kung amyendahan ang Anti-VAWC law, mamahimong mawagtang na ang katuyoan niini nga protektahan ang dignidad sa mga kababayenhan ug mga bata ug mohatag og respeto sa tawhanong katungod.
Kahinumduman nga usa sab kini sa panawagan sa nahisgutan nga grupo atol sa gipahigayon nga One Billion Rising, usa ka global movement nga tumong ang pagtapos sa rape ug sexual violence against women ug bisan unsa man nga klase sa pagpangabuso.
