DAVAO CITY – Gipasalig sa Land Transportation Office (LTO) 11 nga magpadayon ang ilang operasyon batok sa mga malapason sa balaud trapiko o dili motamud sa mga polisiya sa ahensiya.
Kahinumduman nga mikabat sa 447 ka mga traffic violators ang ilang natala atol sa gipatuman nga One Time Big Time operation sa ahensiya sa milabay nga semana.
Sumala pa kang Capt. Rose Aguilar, tigpamaba sa Davao City Police Office (DCPO) nga sa nahisgutan nga ihap, pinakadaghan sumala pa sa mga nasikop kadtong mga nagmaneho og motor nga wala nagsul-ob og helmet ug nakasuot lamang og tsinelas samtang nagmaneho.
Samtang gibutyag sab ni Atty. Loida Igdanes, legal officer LTO-11 nga sagad sumala pa sa mga madakpan ang nakalapas sa Republic Act 4136 o “Land Transportation and Traffic Code” diin pipila niini ang overloading.
