DAVAO CITY – Sugdan na karong adlawa ang ipahigayon nga 48 ka oras nga water interruptions sa dakong area sa dakbayan apan gipasalig sa Davao City Water District (DCWD) nga maghatud sila og tubig sa mga lugar nga apektado.
Una ng gibutyag sa DCWD pinaagi sa ilang tigpamaba nga si JC Duhaylungsod nga human sumala pa ang gipahigayon nga pagkumpuni sa 8mm diameter steel pipeline sa Lavista Monte Phase 2 kaniadtong Nobyembre 9, ilang nadiskobrehan nga aduna pay leaking sa tubo mga 10 metros ang gilay-on gikan niini hinungdan nga kinahanglan nila og duruha ka adlaw nga pagkumpuni sanglit lalom ang kinahanglan nila nga kubkubon.
Kahinumduman nga pipila sa mga maapektohan sa water interruptions ang gilangkuban sa area sa Maa, Buhangin, Poblacion area, Angliongto, Sasa, Pampanga, Cabaguio ug daghanan pa.
Una na sab nga nagpahimangno ang ahensiya nga magpundo og tubig ayha ang gitakda nga water interruption.
Nasayran nga pipila sumala pa sa tubo sa tubig ang nangadaut atol sa kusog nga linog sa milabay nga bulan sa Oktubre.
