DAVAO CITY – Pasakahan na og kasong kalapasan sa Republic Act 10883 (New Anti-Carnapping Law) ingon man direct assault and damage to properties ang gikanayong carnapper nga misulay pag-ikyas dala ang meat van kagahapong adlawa.
Una ng naila ang suspek nga si Carmelito Pamogas Tabion, 27, residente sa Old Market, Kalamansig, Sultan Kudarat diin tungod sa gihimo niini, daghanang mga sakyanan ang nadaut ug daghanan sab ang naangol human nga nahitabo ang ginukdanay sa downtown area.
Pipila sa mga nanagol ang gilangkuban nila ni Police Corporal Lee Antoine A. Tambe, 33 anyos, usa ka pulis ug nadestino sa Traffic Group/Davao City Police Office; Marc Jed Guevarra, 22, miyembro sa Philippine Air Force nga nadestino sa TOG 11 Old Airport, Sasa, Davao City; Jason Bermudez Antonio, 25 anyos, residente sa Barangay 37-D ning siyudad ug Althea Beatrice Caduaya Felizarta, 19 anyos, residente sa Matina Aplaya, Davao City.
Una ng gibutyag sa kapulisan nga ang nanag-iya sa gikawat nga Elf truck mao ang Shuijin Hong diin nakaparada kini sa Sta. Ana Pier dihang kalit nga gimaneho kini sa suspek.
Sa kasamtangan gipaslak sa Sta. Ana Police Station ang suspetsado.
