-- ADVERTISEMENT --

DAVAO CITY – Gipasalig ni Dionesio Abude, head sa City Transport and Traffic Management Office (CTTMO) nga walay ipahigayon nga road closure sa higayon nga sugdan na ang Pasko Fiesta 2019.

Sumala sa opisyal nga kung kaniadto adunay mga ginapahigayon nga aktibidad atubangan sa City Hall, ibalhin na matud pa kini sa Sta. Wharf kini aron nga malikayan ang paghuot sa dagan sa trapiko sa may San Pedro Square.

Hinuon gikanayon ni Abude nga bastante ang ilang mga sakop nga ipakatag sa mga nag-unang kadalanan sa dakbayan aron nga mag-mando sa dagan sa trapiko ilabi na nga lauman sumala pa ang Christmas rush sanglit nagkaduol na sab ang kapaskohan.

Nasayran sab sa opisyal nga halos ang mga gihan-ay nga aktibidad ang himuon “indoor” diin kalakip na niini ang Torotot Festival nga ipahigayon sa Rizal dungan sa pagtagbo sa bag-ong tuig.