DAVAO CITY – Hugtanong gipanghimakak sa 10th Infantry Division (10ID) Philippine Army nga aduna silay kalambigitan sa pagkawala ni Honey Mae Suazo, kanhi secretary-general sa Karapatan Southern Mindanao Region (SMR).
Sumala pa kang Capt. Jerry Lamosao, tigpamaba sa 10ID, nga ang pagtudlo sa militar nga adunay kalabotan sa pagkawala kang Suazo ang usa na sab ka alegasyon sa karapatan ngadto kanila.
Una ng gibutyag sa progresibong grupo nga ulahing nakita si Suazo kaniadtong Nobyembre 2 dihang mibisita kini sa lubong sa ilang kabanay sa Panabo City, Davao del Norte.
Nagtuo ang progresibong nga adunay kalabotan sa crackdown batok sa mga aktibista ingon man paglambigit sa rebeldeng kalihokan ang pagkawala ni Suazo.
Apan luyo sa maong pasangil, gihagit sab ni Lamosao ang Karapatan nga pamatud-an ang ilang pasangil sa korte.
Nasayran nga mihawa na si Suazo sa Karapatan duruha ka tuig na ang milabay ug gani mireklamo sumala pa kini ug pagpangharass ug aduna sumala pay naniid kanila nga gikanayong mga sakop sa militar.
Apan ang giduso reklamo ang gibasura sa Department of Justice kaniadtong 2016.
