DAVAO CITY – Balhug karon sa presohan sa Sta. Cruz Police Station ang driver sa Van nga naka-side sweep sa usa ka motorsiklo nga maoy hinungdan sa kamatayon sa duruha ka mga biktima kagahapon sa hapon sa Sta. Cruz, Davao Del Sur.
Una ng naila ang mga biktima nga sila si Jose Osayan Mompil Jr., 42 anyos ug kaubanan niini nga si Arnel Lira, 43 anyos susama nga trabahante sa Franklin Baker ug residente sa Brgy. Zone 2, Sta. Cruz, Davao Del Sur.
Sa imbestigasyon sa otoridad, nagsubay ang mga biktima sa outer lane apan dihang mibalhin kini sa fast lane, na-side sweep kini sa van nga gimaneho ni Erwin Tampipi Uno, residente sa Sarangani Province.
Dali nga nakabsan sa ilang kinabuhi ang mga biktima gumikan sa kakusog sa impact sa pagkabangga nga hinungdan sa ilang pagkalagpot.
Nagpabilin karon sa Sta. Cruz PNP ang suspek ug naghulat na lamang sa mosunod nga kamandoan sa korte.
