DAVAO CITY – Laraw sumala pa sa Office of the City Building Office (OCBO) nga maangkon nila ang 75 porsyento nga target sa ilang gipahigayon nga inspeksiyon sa mga gambalay sa dakbayan nga posibleng nakaangkon ug mga liki human ang pag-igo sa kusog nga linog sa milabay nga semana.
Sumala pa kang Engr. Grace Catubig, Head sa Office of the City Building Office (OCBO) bisan nga pipila sa mga gambalay ang adunay mga liki, apan mamahimo lamang gihapon kini nga ipailalom sa rehabilitasyon.
Hinuon pipila sumala pa sa mga pribadong gambalay ang adunay mga structural engineer aron mopahigayon ug inspeksiyon aron nga masayran kung pabilin pa kini nga lig-on.
Gitambagan sab nila ang mga nanag-iya ug gambalay nga nakaangkon ug minor cracks nga mas maayong i-kordon na lamang una ang parte nga kinahanglan ipailalom sa rehabilitasyon ayha kini subli nga gamiton sama na lamang sa mga hagdanan.
