DAVAO CITY – Mopahigayon ang Department of Labor and Employment (Dole) og inspeksiyon sa mga lugar nga apektado sa kusog nga linog sa Davao ug Soccsksargen regions ug adunay silay sugyot nga interventions alang sa mga displaced workers.
Sumala pa kang Dole-Davao director Raymundo Agravante subayon nila ang mga gambalay dinhi sa siyudad ug sa Davao del Sur partikular na sa munisipalidad sa Magsaysay.
Sumala pa kangSisinio Cano, director sa Dole-Soccsksargen, prayoridad nila ang mga areas sa Koronadal, North Cotabato, Kidapawan, Makilala, ug Tulunan.
Daghanan sumala pa nga mga workplaces sa Kidapawan ang nangadaut diin nahimutang ang mga commercial centers sa North Cotabato province.
Gitataw ni Agravante nga kung matapos na ang inspeksiyon ug makita nila nga dili na kini luwas, magpagula gilayon ang regional directors ug temporary stoppage order aron nga mahatagan ug dalan ang pagkumpuni sa gambalay.
Gikanayong ipagula gilayon ang kamandoan sulod sa 24 oras sa higayon nga ideklara sa technical inspectors nga dili na luwas ang gambalay.
Tabangan sab sumala pa sa labor department ang mga empleyado nga nawad-an ug trabaho human nga nangadaut ang gambalay nga ilang gi-alagaran.
