DAVAO CITY – Gikatakda na sab nga hulipan sa iyang katungdanan si P/Col. Alexander Tagum isip director sa Davao City Police Office (DCPO) diin gikatakdang ipahigayon ang turn over ceremony karong adlaw nga biyernes.
Sumala pa kang PNP OIC chief Pol/LGEN. Archie Francisco Gamboa nga taga Luzon ang ihulip kang Tagum nga kanhi na sab niya nga nahimong kaubanan sa Calabarzon.
Gani mismong si Davao City Mayor Sara Duterte-Carpio sumala pa ang mipili niini.
Samtang dungan sa iyang gikatakdang pagbiya sa siyudad, nagpadayag sa iyang dakong pagpasalamat si Tagum sa kahigayonan nga gihatag kaniya aron lamang ma-serbisyohanan ang katawhan.
Gani usa sa giila niining dakong accomplishment ilalom sa iyang liderato mao ang paghimo sa siyudad ug luwas sa bisan unsa man nga klase sa hulga batok sa mga dautang elemento.
Idestino na matud pa si Tagum isip Senior Executive assistant ni Pol Lt. Gen. Gamboa diin idestino na kini didto sa Camp Crame.
