DAVAO CITY – Karong adlawa na matapos ang gitagal sa Department of Interior and Local Government (DILG) nga implementasyon sa pagpanglimpiyo sa mga sidewalk ning dakbayan batok sa mga illegal nga manindahay.
Dungan niini, padayon sab ang pagrumbo nga gihimo sa mga personahe sa City Transport and Traffic Management Office (CTTMO), Ancillary Service Unit (ASU) ug City Engineer’s Office (CEO) sa mga kadalanan sa siyudad diin ulahi nila nga gibisita ang Ponciano St. diin adunay mga kan-anan nga gitukod.
Hinuon kadaghanan sa mga vendors ang boluntaryo na nga nagbungkag sa ilang mga tindahan sanglit sayod sila nga iya sa gobyerno sa luna diin kini gitukod.
Una ng nasayran kang Dionesio Abude, head sa CTTMO nga sa 41 ka mga identified nga sidewalk sa siyudad nga adunay nakababag, halos 30 na matud pa niini ang ilang nalimpiyohan.
