Miulbo ang tensiyon kagahapong adlawa sa Provincial Government sa Davao del Norte dungan sa gipahigayon nga road clearing operations sa area sa Tadeco plantation nga nahimutang sa Tanglaw, Braulio E. Dujali, Davao del Norte.
Kahinumduman nga gipatuman sa Provincial Government ang maong lakang kini aron nga mamahimo na sumala pa nga ma-agian ang nahisgutan nga dapit sa publiko. Kahinumduman nga gipangkuha sa mga kapulisan sa Tadeco gates ang mga swing beam, footbaths, ug tire dips nga gipahimutang aron nga makontrola ang pagkatag sa Fusarium Wilt o mas naila nga Panama disease.
Kahinumduman nga mibabag ang Tadeco plantation workers dala ang mga placards ug gisulayan pagpugong ang road clearing operations.
Sumala pa kang Davao del Norte Governor Edwin Jubahib gipatuman lamang nila ang nahisgutan nga lakang isip tubag sa reklamo nga nadawat sa mga residente nga gikanayong gibabagan sumala pa sila nga makasulod sa dalan nga iya sa katawhan.
Gikanayong ang dalan nga nagsubay sa Tadeco-owned banana plantation nga nahimutang sulod sa propedad sa Bureau of Corrections (BuCor) ang gipasirad-an sukad 2015 human nga nagpahimutang ang Tadeco ug gates alang sa “bio-security” reasons ilalom sa Joint Venture Agreement (JVA).
Nasayran nga ipatuman unta sa Provincial Government ang demolisyon kaniadtong Oktubre 7 apan gisuspende kini aron nga malikayan ang posibleng kagubot human nga pipila sumala pa sa mga mamumuo sa Tadeco ang misulay pagpugong kanila.
