Misaka na ngadto sa 85 percent ang clearing operations isip kabahin sa compliance rate sa daghanang mga munisipalidad ug siyudad sa Davao region.
Kini ang gibutyag ni Department of the Interior and Local Government (DILG) regional office.
Sumala pa kang DILG-Davao Director Alex Roldan, nga ang compliance rate base sumala pa compliance assessment ug validation report nga gisumite sa pipila ka mga local government units (LGUs) sa rehiyon.
Apan gikanayon ni Roldan nga aduna pa gihapoy pipila ka mga LGUs ang wala nakasumite sa ilang reports sa DILG.
Gihatagan lamang ang LGUs ug hangtud Biyernes, Oktubre 11 aron nga isumite ang ilang reports.
Gi-angkon sa opisyal nga dili tanan nga mga siyudad ug munisipilidad ang maka-comply sa 100-percent cleared sidewalks ilabi na sa mga areas nga adunay lapad nga area sama na lamang sa dakbayan sa Davao.
Una ng gibutyag ni Davao City Transport and Traffic Management Office head Dionisio Abude nga anaa na sa 19 gikan sa 41 ka mga identified roads sa siyudad ang adunay mga nakababag ang ilang nalimpiyohan o compliance rate nga 46.34 percent.
Adunay mga sidewalks sab ang kinahanglan nga limpiyohan gumikan kay aduna sumala pay mga sakyanan nga nakababag niini.
