Dakong tabang sa mga dabawenyos ilabi na sa mga kabus ang P10 milyones ka pesos nga kantidad sa medical assistance nga gidonar sa siyudad sa Philippine Charity Sweepstakes Office (PCSO).
Kahinumduman nga gitunol sa PCSO ang P10 milyones nga tseke sa lokal nga panggamhanan isip financial assistance ngadto sa Malasakit Center dinhi sa dakbayan.
Una ng gibutyag ni PCSO General Manager Royina Garma nga ang budget gikan sa charity funds sa PCSO nga gamiton isip medical assistance sa mga kabus nga Pilipino.
Nasayran nga ang Malasakit Center (kanhi Pagkalinga sa Bayan) ang usa sa mga gidumala sa city government alang sa medical ug financial aid sa Davaoñeos.
Magsilbi kini nga one-stop-shop sa tanan nga mga government agencies lakip na sa City Government of Davao uban ang Lingap Para sa Mahirap Program, PCSO, PhilHealth, Department of Social Welfare and Development (DSWD), ug Office of the President.
Nagpadayag sab ug pasalamat si Mayor Sara Duterte ngadto sa PCSO sa maong pundo diin maka-benepisyo niini ang mga tawo nga na-admit sa SPMC ingon man sa uban pang mga hospital sa siyudad.
