-- ADVERTISEMENT --
Gipasalig sa Police Regional Office (PRO) 11 ngadto sa publiko nga padayon nilang gukdon kadtong gitudlo nga mga sakop sa Bunal squad nga nagapanglatos sa mga kabataan panahon sa kagabhi-on.
Sumala pa kang Police Major Jason Baria, tigpamaba sa Police Regional Office (PRO) 11, nga gipakusgan na nila karon ang ilang pagronda sa mga kadalanan ilabi na kadtong mga lugar diin sagad adunay mahitabo usab nga mga riot sa kabataan.
Kahinumduman nga adunay migula karon nga video nga mi-atake na sab ang bunal squad sa lalawigan sa Davao del Sur.
Subling gipahimangnoan sa opisyal ang mga nabiktima nga mas maayong moduso ug reklamo inay nga mag-post sa ilang gidangatan sa social media.
