Gibutyag ni Pangulong Rodrigo Duterte nga nagkasinabot karon ang Pilipinas ug Russia nga palawmon pa ang kooperasyon ilabi na sa natad sa security and defense, trade ug investment, agriculture, energy, science and technology, ug socio-cultural exchanges.
Sa iyang arrival speech sa F. Bangoy International Airport, gikanayon niini nga ang iyang pagbisita sa nahisgutan nga nasud ang mihatud ug dakong momentum sa Philippines-Russia relations.
Atol sumala pa sa ilang hinabi ni Russian President Vladimir Putin ug Russian Prime Minister Dmitry Medvedev, nasabutan nila nga momugna ug bilateral cooperation agreements sa paggamit ug energy, scientific research, health, culture, ug foreign policy consultations.
Gikanayon sab sa Pangulo nga kapin P620 million ka mga business deals ang gilagdaan atol sa Philippines-Russia Business Forum sa Moscow nga mamahimo sumala pa nga makahatag ug daghanang trabaho ingon man economic opportunities sa daghanang Filipino.
Apan gikanayon sa Pangulo nga kung hisgutan ang Russian tourists ug potensiyal nga mga investors nga mosulod sa Pilipinas, posibleng dili pa kini mahitabo sa kasamtangan apan positibo kini sa nagkadaiyang exploratory visits gikan sa Russian government.
