DAVAO CITY – Gipasalig sa Department of Education Region 11 (Davao) ang patas nga lakang batok sa kontrobersiyal nga Salugpungan Ta’Tanu Igkanugon Community Learning Center Inc. (STICLCI), diin ang ilang lisensiya ang temporaryo nga gisuspende human nga nalambigit sumala pa kini komunistang kalihokan sa nasod.
Sumala pa kang DepEd-11 spokesperson Jenilieto Atillo andam matud pa nga maminaw ang ahensiya sa tanan nga mga concern ingon man paghatag ug oportunidad, pagpasibaw o paghatag ug suporta sa Salugpungan.
Kahinumduman nga nanawagan si Davao City Mayor Sara Duterte ug hinanaling pagpasara sa 11 ka mga Salugpungan nga nag-operate sa siyudad ug gipasangilan ang nahisgutan nga tulonghaan nga mipaluyo sa pagpanglingla ug pagpangilad sa mga batan-on ingon man pagtudlo ug mga idolohiya nga supak sa gobyerno.
Subli sab nga gibutyag ni Atillo nga ang imbestigasyon batok aktibidad sa Salugpungan ang gisugdan human nga gihangyo ni National Security Adviser Hermogenes Esperon sa DepEd nga isuspende ang 55 ka mga tulonghaan niini sa Mindanao.
