DAVAO CITY – Subling gipahinumdoman sa Department of Health (DOH)-Davao ang mga ginikanan ug caregivers nga pabakunahan ang ilang mga anak batok diphtheria human nga adunay usa ka estudyante nga namatay sa maong balatian didto sa kaulohan.
Una ng gibutyag sa DOH-Davao nga nakadawat sila mga nagkadaiyang concerns gikan sa publiko human ang kamatayon sa Grade 4 student sa Jacinto Zamora Elementary School.
Gikanayong ang estudyante nakasinate ug kalintura kaniadtong Setyembre 13 nga gisundan ug rashes ug mouth sores.
Namatay kini kaniadtong Setyembre 20 human nga na-diagnose kini nga adunay diphtheria.
Hinuon una ni gibutyag ni Davao City Health Office (CHO) technical division head Julinda Acosta nga wala pa silay namonitor nga adunay kaso sa diphtheria case dinhi sa siyudad.
Palig-onon sab karon sa ahensiya ang iyang immunization program ilabi na karon nga adunay ipahigayon massive anti-polio immunization nga magsugod sa Oktubre 14 ning kasamtangan nga tuig.
